A'k kan helpen

Körs bin 'k vraogd deur de middenstaand van het olde centrum van Emmen um een gedicht te maken. Het gedicht is bedoeld um elkenien een hart under de riem te steken in de unwarkelke hedendaagse tied. Hierunder stiet het gedicht en de video waoran ok börgenmister Eric van Oosterhout metwarkte.
De video is maakt deur Mello Boer.

A 'k kan helpen

Een kommend mèensch is altied welkom
dat bi’j van oes wend
Hielemaol met zo ’n prachtig veurjaor
zoas wij dat dit jaor kent
Blauwe locht, volop zun, bomen in knop en bloempies bluit
Nei leven, van oes samen dat tot wosdom gruit

Toch moew oes op ’t moment even schikken
en drèeit de wereld niet vanzölf
Waor alles lek te stoppen giet ’t iniens
niet enkel allennig um jezölf
Zo’n dikke twie ellen ofstaand hol wij even vrij
en zo giet wij veur ik en oes veur mij

Een kommend mèensch is altied welkom
dat veraanderd niet intied
Wij kunt ’t dan ok niet of wachten
totdaw mekaar damet weer ziet
Wij gooit de kop niet niet in ’t schoot, mar holdt hum der mandielig veur
en zegt damet gewoon weer moi, hoe giet ’t en a’k je helpen kan, zeg ’t mar heur

©2020-A.T.Kamping