Elke zundagmörgen, zie'k heur lopen in de straot
In een nuver mantelpakkien, heur lange haor stief bij mekaar
Ze giet bij alle hoezen an, met een bosschup van de Heer
Mar haost gieniene die wil lustern, naor heur rilligieuze leer

Mar ze wordt niet kwaod of hellig
Giet wieder met heur mooie lach
Waormet zie mij döt geleuven, da'k in heur geleuven mag

De zundag is de mooiste dag
Want as zie ankomp unverwachts
Stoef ik de gang in naor de deur
Want ik ben barre wies met heur

En as zie dan weer veur mij stiet
Is 't o'k wat locht um heur hen zie
Ik wil heur zeggen wat mij mankeert;
Mien hart verteerd

Ik zie allen heur lippen, as zie mij weer wat verteld
Over Jezus en zien Va of zo, en over wat die hebt veurspeld
En oet heur mooie haanden, krieg ik een brievvien over God
Intied dat zie heur liefde veur Hum glundernd oet de doeken döt

Mar ik word niet kwaod of hellig
Mar kiek met gnoesting naor heur lach
Waormet zie mij döt geleuven da'k in heur geleuven mag

Heur liefde veur Hum zit zo diep
Dat ik mien kaans niet duur te griepen
Ik geef heur gauw een kladdegien
Waorop ik stiekem veur heur schrief, 'heb je naoste lief'